

D2820

།སྲུང་སྐུད་ཀྱི་ཆོ་ག་རྫོགས་སོ།།[་]@#། །དཔལ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །མགོན་པོ་གཞོན་ནུ་སྒེག་ཁྲོས་ཚུལ། །གཞོན་ནུ་གདོན་ལས་རྣམ་རྒྱལ་བ། །གཞོན་ནུ་སྐྱོབ་ལ་ཕྱག་འཚལ་ནས། །གཞོན་ནུ་བསྲུང་ཕྱིར་འདིར་བཤད་བྱ། །རེ་ཞིག་ནམ་ལངས་མ་ ཐག་ཏུ་ཁ་ཤར་དུ་བལྟས་ཏེ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པར་བྱས་ལ།དེའི་དཀྱིལ་འཁོར་གཞོན་ནུ་ཁྲོས་པ་ཞེས་བྱ་བའི་སྔགས་འདི་བཟླས་པར་བྱའོ། །ོཾ་ཨཱཿཧྲཱིཿཀུ་མཱ་ར་ཀྲོ་དྷ་ས་རྦྦ་དུ་ཥྚཱ་ན་ཧ་ར་ཧ་ར་ཀུ་མཱ་ར་ར་ཀྵ་ར་ཀྵ་ཧཱུཾ་ཕཊ། ཁྲི་སྙན་ནག་པོའི་སྟན་འདུག་ལ། །གཞོན་ ནུ་ཁྲོས་པའི་ང་རྒྱལ་གྱིས།།ཤར་སོགས་ཕྱོགས་བཞིར་གཏུམ་མོ་བཞི། །རང་བཞིན་མ་ཡེངས་བལྟ་བར་བྱ། །དེ་ལ་ལུས་བསྲུང་དཔའ་བོ་གནག་།ཞལ་གསུམ་ཕྱག་དྲུག་དཀར་དམར་སྔོ། །རྡོ་རྗེ་དྲིལ་བུ་དགྲ་སྟ་ཞགས། །རལ་གྲི་ཨུཏྤལ་བསྣམས་པའོ། །སྲོག་བསྲུང་དཔའ་བོ་དམར་པོ་སྟེ། །ཞལ་གསུམ་ ཕྱག་དྲུག་སྔོ་སེར་དམར།།གྲི་གུག་ཐོད་པ་འཁོར་ལོ་དབྱིག་།རྒྱལ་མཚན་མགོ་བོ་འཛིན་པ་ཉིད། །སྟོབས་བསྲུང་དཔའ་བོ་སྔོ་ལྗང་སེར། །ཞལ་གསུམ་ཕྱག་དྲུག་སེར་དམར་ལྗང་། །བེ་ཅོན་སྡིགས་མཛུབ་མདུང་ཐོ་བ། །རྡོ་རྗེ་མདའ་གཞུ་ཐོགས་པའོ། །དཔལ་བསྲུང་དཔའ་བོ་དཀར་པོས་ཏེ། །ཞལ་གསུམ་ ཕྱག་དྲུག་སྔོ་དམར་དཀར།།གནམ་ལྕགས་ཁ་ཊྭཱཾ་སྐྱབས་སྦྱིན་སྒྲོམ། །མཉམ་པར་གཞག་པས་ཞི་ཞིང་ཁྲོ། །གཞོན་ནུའི་སྔོན་མོ་སྔོན་སོང་བས། །ལག་ཏུ་རྡོ་རྗེ་དྲིལ་ཐོགས་ཤིང་། །རྐང་པ་རྡོ་རྗེའི་འགྲོས་བསྐོར་བས། །གཞོན་ནུ་རབ་ཏུ་བསྲུང་བར་བྱ། །ལྷ་ལ་སྐྱབས་སུ་འགྲོ་བ་དང་། །གཞན་ལ་ལྟོས་པ་མེད་ཉིད་ཀྱིས། །འོད་ཟེར་རྡོ་ ་རྗེའི་གུར་ཕུབ་ཅིང་།